Verslun og vefverslun, Íhlutir og smávörur. Viðgerðir á hljómtækjum, Yfirfærslur mynd- og hljóðefnis á stafrænt form, Smíðar og hönnun hljómtækja.
Nú er svo komið í verkefnastöðunni að mér sýnist ég get ekki bætt miklu af viðgerðum fyrir þessi jólin.
Það er kominn það mikill hali að erfitt er að bæta á hann. Það þýðir líka óviðunandi langan tíma sem tækin eru inni.
Ég hef því ákveðið að reyna fresta nýjum verkefnum fram yfir áramótin.
Maggi
Efnismikill og vandaður plötuspilari frá Kenwood. Boddýið er nánast eins og marmari, er úr steyptu hörðu steinefni og þungur eftir því. Það sem er sérkennilegast við hann er mekanisminn sem lyftir arminum og tekur hann til baka eftir spilun. Segja má að hann sé trekktur upp með stóra handfanginu og það virkjað til að hreyfa arminn. Heilmikið glussasystem svo það gerist rólega. Ekki gert með hreyfingu plattans eins og lang flestir spilarar sem eru „Auto return“.
Harða efnið í boddýinu og þykka spónaplatan undir eru saman hönnuð sem titringsdeyfir.
Ég þurfti að rífa hann í spað, þar með talinn armurinn og legurnar þar undir. ( legukúlur 1mm í þvermál ) Hreinsaði spindilleguna.
Virkar nú eins og engill.
M.
Mjög frambærilegt og fallegt tæki frá Pioneer. framleitt á árunum 1974 – 78
Þetta er á viðgerðarborðinu núna.
Þriggja mótóra og tveggja rása en getur spilað 4-rása band tekið upp í slíkum græjum. Getur ekki tekið upp 4 rásir.
Hér erum við að eiga við bremsurnar og slit í mótorlegum. Einnig þarf ég að skoða reimarnar. Svo er eftir að fara í gegn um magnararásirnar, Bias ofl.
M